Аманжолова Қияскүл Масақбайқызы
Аманжолова Қияскүл Масақбайқызы 12 қараша 1960 жылы Шымкент облысы Созақ ауданы Созақ совхозында дүниеге келген.1978 жылы сол елді мекенде мектепті бітіріп, 1979 жылы Шымкент қаласында ШПИ математика мамандығы бойынша қабылданып, 1984 жылы тамамдаған.
Аманжолова Қияскүл Созақ ауданы,Шолаққорған ауылы,Ә.Молдағұлова атындағы орта мектебінде 1985 жылдан математика және информатика пәнінен дәріс берген.Сондай-ақ, ұстаздың жазған «Тригонометриялық теңдеулерді шешу» аудандық конференциясында тыңдалып,облыстық ғылыми конференциясында тыңдалып бірінші дәрежелі дипломға ие болған.
Сол сияқты,жоғары санатты ұстаздың жетекшілігімен 1998-1999 оқу жылында «Жауын-шашын геометриясы» және 2000-2001оқу жылында жазған «Жылу жүйесінде математикалық есептеулер» баяндамалары бірінші және екінші дәрежелі дипломдармен марапатталып , облыстық оқушылардың ғылыми қоғамында тыңдалып алғыс хатпен марапатталған.
Мектеп оқушыларының жыл сайынғы үздік аттестатқа ие болу жетістіктеріне Аманжолова Қияскүл өзінің барлық күш – жігерін , білімін сарп етіп , ұстаздық өмірдің қиын да , қызықты жылдарында өзіндік қолтаңбасын қалдырып келуде.
Сол еңбек еткен жылдары аудандық математика пән әдіс бірлестігінің жетекшісі болды. Ол сол міндетін атқару жұмыстарында білікті ұстаз өзінің шығармашылық ізденістерінің арқасында бірнеше рет аудандық және облыстық марапаттауларға ие болған. ҚР –ның Білім және Ғылым министрлігінің « Алғыс хаты» , ҚР Оңтүстік Қазақстан облысы « Qurmet - AB » қоғамдық бірлестігінің 1 тамыз 2013 жылғы № 01-0003 шешімімен « Білім беру ісінің үздігі » медалімен марапатталған.
Қазіргі таңда 2015 оқу жылынан бастап Шымкент қаласындағы №106 «Қайнарбұлақ » жалпы білім беретін орта мектептің математика пәнінің мұғалімі болып жұмыс істейді.Осы жылдары бірнеше рет мұғалім жетекшілігімен «Байтерек», «Алтын ұрпақ», «Самруқ» және «Кенгуру» т.б интеллектуалдық марафондарында бірінші,екінші және үшінші орындарға ие болған.2017 оқу жылында «16 желтоқсан –Тәуелсіздік күні» мерекесіне орай,Бөлім басшысының «Мадақтамасымен» марапатталды. 2019 оқу жылында «Шымкент каласы білім , спорт және бюджеттік мекеме қызыметкерлерінің жергілікті кәсіптік одағы» қоғамдық бірлестігінің төрағасының «Алғыс хат» мен марапатталды.2018 жылдың 6 маусымында « Өрлеу » біліктілікті арттыру ұлттық орталығы» АҚ филиалы ОҚО бойынша педагогикалық қызметкерлердің біліктілігін арттыру институтының сертификаты және « Назарбаев зияткерлік мектептері » ДББҰ педагогикалық шеберлік орталығы сертификатын иеленді.
2019 оқу жылында «Тәуелсіз Қазақстанның рухани және әлеуметтік дамуы жолында қол жеткен табыстары және оның гүлденуіне қосқан зор үлесі үшін» Министр А.Аймағамбетовтен « Құрмет грамотасымен » марапатталды. Осы оқу жылында Аманжолова Қияскүл Масақбайқызы «25» шілдедегі № 483 бұйрығына және біліктілік санаттарын беру (растау) бойынша аттестаттау комиссиясының 2019 жылғы
«23» шілдедегі № 5 шешіміне сәйкес «Педагог -сарапшы » біліктілік санатын математика пәні мұғалімі лауазымы бойынша алды.